Ragnheiður

Myndir

2008-06-17T19:03:00.002+02:00

http://picasaweb.google.com/ragnhv0

Mjög margar nýjar myndir

Kær kveðja
ykkar Ragnheiður

Radio killed the video star

2008-05-31T18:35:00.002+02:00

Bloggmet. Maí mánuður - bloggmánuður

Þessi vika var seinasta skólavikan mín. Hún leið hratt og það var erfitt að hugsa um það að skólinn væri að verða búin, og dvölin mín hérna í Frakklandi einnig óðum að styttast. Á miðvikudeginum skellti ég mér til Parísar með Melkorku þar sem að við eyddum deginum í bongóblíðu í almenningsgarðinum fyrir utan Louvre safnið.
Föstudagurinn var mjög skrýtinn dagur þar sem að það var seinasti skóladagurinn minn og ég kvaddi suma bekkjarfélaga í seinasta sinn á ævinni.
Allir höfðu eitthvað að segja að lokum, og meira að segja nokkur tár voru felld. Núna tekur bara við sumarfrí hjá mér í einn mánuð og stúdentspróf hjá þeim. Ég bauð þó bjartsýn mjög mörgum að kíkja við á Ísland einhvern tíman á lífs leiðinni.
Um kvöldið fór ég síðan til Adriönnu í Salsa danskennslu. Þarna vorum um 20 manns með kennara frá suður Ameríku sem að dansaði salsa eins og hann ætti lífið að leysa, með tilheyrandi mjaðmasveiflum og rythma í sálinni.

Laugardagurinn var síðan heldur betur dagur þar sem að ég fékk mína heittþráðu 30 mínútna fræg. Þannig er mál með vexti að Veronique hóst mamma mín bauð mér að koma með sér til Parísar vegna þess að hún var að fara í viðtal í útvarpinu þar sem var verið að ræða aðstöðu fattlaðra barna í skólum í Frakklandi.
Þannig vildi svo skemmtilega til að útvarpsþátturinn sem að kom á eftir þættinum sem að Veronique var gestur í, fjallaði um unga krakka sem að fara í skiptinám í öðru landi. Gestgjafi þáttarins fannst tilvalið að bjóða mér að koma og tala aðeins um mína reynslu í þættinum og bauð mér að vera með sem einn af þremur gestum viðtalsins.
Nú var ekkert að gera nema að krossa fingur og vonast til að skilja allt sem að fram fór í þættinum og svara spurningunum rétt og á skiljanlegri frönsku. Þetta gekk sem betur fer allt saman vel, ég var spurð hver væri munurinn á skólakerfinu á Íslandi og í Frakklandi og hvað hefði verið erfiðast á dvölinni og einnig það áægjulegasta og svo framvegis. Reyndar skaut maðurinn sem að var einnig gestur þáttarins einhverju inn í það sem að ég var að segja, sem að ég skildi ekki alveg og ég vildi ekki vera að eyða tímanum í að vera að spurja útskýringa á því sem að hann hafði sagt þannig að ég svaraði bara "uu oui" eða "uu já", þá hló hann bara. Vonandi var þetta ekki eitthvað þar sem að svarið já var ekki við hæfi.
Burt séð frá því að þá var stjórnandi þáttarins hæstánægður að lokinni útsendingu og sagðist ætla að gera sérstakan þátt um samtökin AFS, og að hann myndi hafa samband við mig ef að ég yrði ekki farin heim þegar að þátturinn yrði tekinn upp. Ég brosti innra með mér og sagði honum að hika ekki við að bjalla í mig til að koma aftur.
Um kvöldið kom síðan Adriana og borðaði hjá mér og við horfðum á mynd sem að heitir out of africa í heimabíóinu okkar.

Á sunnudeginum fór ég í göngutúr með leiðsögumanni um hverfið Bercy í París, með nokkrum AFS krökkum, þetta var mjög fallegt og lifandi hverfi.
Um kvöldið fór ég síðan í matarboð til Stefáns Laxnes vinar míns og fjölskyldu hans. Þetta var mjög gott og skemmtilegt kvöld.

Nú tekur bara við júnímánuður, mánuður bjartra, ljúfra sumardaga við.

Kær kveðja
Ragnheiður Vignisdóttir

Vive la France

2008-05-27T19:23:00.003+02:00

Til þess að halda þessari ágætu netdagbók minni gangandi ákvað ég að dusta rykið af minningum mínum frá seinustu viku og halda áfram skriftum mínum þar sem að frá var horfið.
Vikan 19.-25.maí var góð vika.
Krakkarnir í skólanum eru á mörkum þess að vera orðin gráhærð af stressi fyrir stúdentsprófin sín, sem að nálgast óðum. Þessi vika var undirbúnings prófvika hjá bekknum mínum og var ég því með mjög götótta stundartöflu þessa vikuna.
Já þessi stúdentspróf eru nú ekkert lamb að leika sér við hérna í Frakklandi.
Á miðvikudeginum var mér boðið í hádegismat til nágranna míns, sem að er ung au-pair stúlka, ættuð frá Kína. Hún eldaði fyrir mig kínamat sem að ég borðaði með bestu lyst. Þessi hádegismatur var mjög skrautlegur þar sem að ég skildi varla helminginn af því sem að hún var að segja að sökum takmarkaðrar frönskumælsku hennar. Verst var það þegar að hún fór að tala um jarðskjálftana í Kína og alla þá hörmunga sem að þeim fylgdu, og ég hélt að hún væri að tala um chili krydd í kínverski matargerð og lýsti yfir góðri skoðun minni á þessu ágæta kryddi.
Á laugardeginum fór ég að hitta AFS krakkana í París og það var mjög gaman, góð stemming í hópnum og gott veður síðast en ekki síst. Um kvöldið fór ég síðan í partý hjá stelpu sem að býr í bænum mínum. Í byrjun kvöldsins þekkti ég eiginlega engan nema Stefán íslenska strákinn, en síðan seinna um kvöldið komu nokkrar bekkjarsystur mínar. Það rættist mjög vel úr kvöldinu, en þetta var seinasta partýið sem að mun verða haldið fram að próflokum.
Á sunnudeginum fór ég til Parísar á tónleika. Þetta voru mjög góður Jazz tónleikar á flottum stað í gömlum klassískum jazz stíl.

Heil og sæl, kær kveðja
Ragnheiður

Stund milli striða

2008-05-19T20:34:00.002+02:00

Seinasta vika var viðburðarlítil. Ég var á fullu í skólanum og að læra undir fjarnámsprófin sem að kláruðust á föstudaginn. Núna er komið sumar hérna í Frakklandi með tilheyrandi sól og hita sem að allir fagna.
Í dag að þá gerði ég nákvæmlega ekki neitt,mér leiddist líkt og dánum manni, ég var að hugsa um að bjóða blaðberanum hjálp í morgun þegar að ég var að labba heim, vegna þess að ég veit hversu leiðinlegt það er að bera út blaðið í ískulda klukkan 6 á morgnanna með stýrur í augunum og hálfsofandi. Ég ákvað samt að sleppa því að sökum leti og náungakærleik í lágmarki. Reyndar var klukkan 10:00 og ekkert sérstaklega ískalt en samt sem áður sýndist mér blaðberinn vera vansæll.
Eins og staðan er núna hef ég ennþá ekkert að gera eftir daginn, sem að ég myndi líkja við sofandi snigill, þannig að ég ákvað að blogga. Gaman að hugsa til þess að nokkrir ágætir vinir og vandamenn munu koma til að lesa þetta blogg og deila með mér eirðaleysi mínu þessa stundina.

Helgin mín var frábær helgi oftar en ekki. Ég og Melkorka fórum til höfuðborgarinnar sem að við erum farnar að labba um með lokuð augun. Á laugardeginum fórum við á vaxmyndasafnið Grévin, löbbuðum um hverfin og enduðum síðan á kaffihúsi þar sem að við sátum úti, drukkum kaffi og spjölluðum saman langt fram á nótt, þá löbbuðum við í íbúð fjölskyldu Melkorku og gistum þar um nóttina.
Í gær fórum við á stærsta útimarkað í París sem að ber nafnið marché de puces. Þar spókuðum við okkur um glaðar í bragði og skoðuðum allt mögulegt sem að var til sölu, frá nærfötum til vatnspípa og gamalla plötuspilara. Við vorum einu manneskjurnar sem að voru ljósar á hörund á markaðnum og drógum því að okkur þó nokkra athygli sölumanna. Ég endaði reyndar bara á því að kaupa mér einn bol. Á heimleiðinni tapaði ég í heimsku minni og kæruleysi 20 evrum í spilaveðmáli. Ég skil ekki hvernig ég fór af því að miskilja leikreglurnar en ég lét mér þetta tap mér að kenningu verða og ákvað að hætta í staðinn fyrir að tapa meiri pening,

Heil og sæl að sinni, ykkar
Ragnheiður

ps. Svona rétt áður en að ég birti þetta blogg að þá langar mig að koma fram einni skemmtilegri hugdettu.
Það er mjög fyndið að hugsa til þess að einhver Gunnar niðri í bæ detti kannski óvart inná síðuna mína í gegnum google, og ákveði að lesa bloggið mitt.
Síðan þegar að ég kem heim og fer á laugarveginn eða einhvert að þá á Gunnar kannski eftir að afgreiða mig í einhverri búð. Án þess að vita það að hann hafi einu sinni lesið bloggið mitt og án þess að ég viti að þetta sér Gunnar sem að las einu sinni bloggið mitt.
Þannig að Gunnar ef að þú lest þetta, ekki vera feiminn og kommentaðu, skildu eftir þig spor

Sviss

2008-05-13T18:02:00.002+02:00

Föstudagurinn 9.maí var sólríkur sumardagur. Ég ákvað að nýta helgina vel og skella mér til Sviss. Planið var að fara ódýru leiðina og húkka mér far til Sviss með nesti og nýja skó en á seinustu stundu ákvað fjölskyldan að koma með, þannig að við fórum á bíl.
Við dvöldum í borginni Genéve sem að ein af stærri borgum Sviss og er byggð í kringum stórt vatn. Þetta er mjög hrein og falleg borg, sem að er einnig þekkt fyrir mikið ríkidæmi.
Við fengum leiðsögn um borgina með leiðsögumanni, sóluðum okkur á ströndinni, borðuðum úti, sigldum um vatnið á túristabát til að sjá borgina út frá nýju sjónarhorni og fórum í fjallgöngu.
Þetta var skemmtileg helgi og gaman að sjá annað landslag og uppgötva nýtt land.

Páskafrís annáll

2008-05-04T11:17:00.003+02:00

Sunnudagurinn 20.apríl hófst á tíu klukkutíma þröngsetinni bílferð með tuttugu pissustoppum. Ferðinni var að þessu sinni heitið til Narbonne í suður-Frakklandi þar sem fjölskyldan á sumarhús. Þar dvaldi ég í eina viku. Bílferðin var löng og erfið en hún var nú samt sem áður þess virði. Ég gerði margt skemmtilegt þessa vikuna, að frönskum sið eyddi ég einum degi á kaffihúsi, ég fór á risastóran útimarkað í Narbonne,þar sem allt milli himins og jarðar var til sölu. Ég keypti mér einn lítinn Undverja og peysu. Ég fór með Philip pabbanum að skoða gamalt klaustur sem var mjög áhugavert. Einn dag fórum við á ströndina. Þar eyddum við öllum deginum í sólinni. Við skoðuðum líka bæinn Carcasonne sem er þekktur fyrir stóran miðaldarkastala og mikinn túristariðnað. Við enduðum þessa ágætu viku í suðri á því að fara til Montpellier og eftir stórskemmtilegan dag tók ég hraðlestina heim til heimabæjar míns Bois-le-Roi.

Seinni hluti frísins fór í að undirbúa fjarnámsprófin mín sem að hófust 2.maí. Melkorka kom og gisti hjá mér frá miðvikudegi til laugardags, og við náðum að lesa aðeins fyrir prófin.

Í gær fór ég að skoða kastalann Chambord, en hann er mjög þekktur fyrir stórglæsilega hönnun og arkitektur. Við fengum tveggja tíma leiðsögn um kastalan með túristahópi. Mér tókst að týnast í hringstiga sem að var í kastalanum því að ég fór út á rangri hæð og missti því af stórum hluta leiðsagnarinnar. Það endaði nú samt sem áður allt vel.

Ég er núna í Chartres hjá henni Melkorku vinkonu minni og hef því mjög lítinn tíma til að blogga, það er líka kominn hádegismatur.
Ég set inn myndir frá fríinu á miðvikudaginn

Þangað til næst sem verður eftir ferðalagið til Sviss að þá óska ég ykkur góðs lífs.

Blessað vorið

2008-04-19T17:21:00.007+02:00

Blogg í punktaformi

Að þessu sinni ætla ég að hefja sögu mína af lífinu og tilverunni hérna í Frakklandi á hinum ágæta mánaðardegi 3.apríl.
Ég fór með fjölskyldunni minni og fjölskyldu besta vinar Emelie til Parísar á Jazz/blues/rokk tónlistarhátíð, sem að var haldin í tónleikasalnum La Cigale, sem að er í sömu götu og skemmtanastaðurinn frægi Moulan Rouge. Þetta voru mjög skemmtilegir tónleikar með fjölmörgum listamönnum bæði frá Bandaríkjunum og Frakklandi.

Sunnudaginn 6. apríl fór ég enn og aftur til Parísar en að þessu sinni var það með honum Jorge, argentíska vini mínum. Við byrjuðum á því að fá okkur hádegismat sem að við borðuðum síðan úti fyrir utan nýlistasafnið Pompidou, en þar eru alltaf fullt af götulistamönnum sem að sýna listir sýnar fyrir glaða borgarbúa.
Eftir hádegismatinn fórum við og hittum hina afs krakkana og skoðuðum háskóla/latínu hverfið, sem að er eitt uppáhalds hverfið mitt í París.

Föstudaginn 11. apríl héldum við óvænta afmælisveislu fyrir fósturmóðurina, veislan heppnaðist mjög vel, þar sem allir vinir hennar voru saman komnir til að fanga afmælinu hennar. Þetta var meira að segja svo vel heppnað að mér leið eins og ég væri leikari við upptökur á óvæntri afmælisveislu.

Á eftir föstudeginum 11. kom síðan laugardagurinn 5.apríl en þá hélt Emelie svokallað rallý, eða dansleik þar sem að hún bauð öllum vinum sínum, eða 60 manns í leigðan sal, með DJ og öllu tilheyrandi. Kæru vinkonu minni henni Melkorku var boðið líka og við tókum nokkur vel valin spor, við mikinn fögnuð áhorfenda.

Sunnudagurinn 13. apríl var síðan svei mér þá ef ekki bara einn versti dagurinn minn hérna í Frakklandi. Þannig er mál með vexti að ég fékk þessa líka rosalegu heimþrá (eftir dansleikinn), í fyrsta sinn á dvölinni minni hérna í Frakklandi. Allt var ómögulegt og mér fannst hreinlega eins og tilveran væri endanlega hrunin.
Eftir erfiðan dag, táraflóð og eitt símtal sem að bjargaði mér frá því að fara á netið og panta mér flugmiða heim með næstu vél fór líðan smátt og smátt að batna og ég áttaði mig á því að þetta hlaut nú að koma einu sinni, og að þetta væri líka bara partur af reynslunni.

Ný vika tók síðan við, björt og brosandi, reyndar ekki viðburðarrík en góð samt sem áður.

Í dag vaknnaði ég snemma til að koma mér í skólaíþróttir, í íþróttum erum við að spila frisbí, ég elska þennan leik þótt að hæfileikarnir séu nú ekki ýkja miklir.
Á morgun held ég síðan suður á leið, en núna er ég komin í tveggja vikna vorfrí. Fyrstu vikunni verður eytt í sumarhúsi fjölskyldunnar í Narbonne (sundlaug og allur pakkinn) og kannski kíkjum við yfir til Barcelona ef að tími gefst.

Verið sæl, takk fyrir að lesa bloggið mitt og hafið það sem allra best
Ykkar
Ragnheiður

Marsblogg og fyrsti april

2008-03-17T19:44:00.003+01:00

Kæru vinir og vandamenn
Á miðvikudeginum 12. mars fór ég með minni ástkæru systur Emilie á tónleika með stórhljómsveitinni The Cure, sem að ég hef lengi dýrkað og dáð.
Við vorum mættar fyrir utan tónleikahöllina Bercy klukkan 5 með hnút í maganum af spennu. Þar biðum við í röð í einn og hálfan tíma, borðuðum samloku nutum sólarinnar.
Þegar að okkur var hleypt inn tylltum við okkur nánast fremst upp við sviðið og biðum þar í annan klukkutíma eftir að upphitunarhljómsveitin byrjaði að spila. Þetta var einhver bresk óþekkt þungarokkhljómsveit sem að spilaði í hálftíma fyrir óþolinmóða gesti tónleikana.
Þegar að The Cure stigu á svið varð stemmingin ólýsanleg, þegar að þeir tóku öll þekktustu lögin sín sungu langflestir með og þegar að við litum upp í stúkurnar voru nánast allir reistir úr sætum sínum og dansandi í takt við lögin.
Þetta voru frábærir og eftirminnanlegir tónleikar í alla staði enda þeir klappaðir upp fjórum sinnum.

Þann 17. mars kom hún Unnur Guðmundsdóttir að heimsækja mig og systur sína í París. Eftir skóla á mánudeginum dreif ég mig í lestina til Parísar til að hitta Unni. Þetta svo sannarlega gleðilegir endurfundið eftir 7 mánaða aðskilnað. Við byrjuðum á að labba niður Champs elysée og skoða sigurbogan og síðan effel turninn (með stuttu stoppi á mc.donalds).
Á þriðjudeginum var ég síðan í skólanum allan daginn en um kvöldið kom Unnur til mín í kvöldmat með fjölskyldunni. Fósturmamma mín var þá búin að vakna klukkan sjö til þess að byrja að elda, leggja á borðið og þrífa fyrir íslenska góðgestinn. Kvöldið heppnaðist og vel var tekið á móti Unni.
Á miðvikudeginum var frí í skólanum og við Unnur skelltum okkur snemma í bítið til Fontainbleau og ég sýndi Unni bæjinn og kastalann. Eftir hádegi fórum við til Parísar og fórum í siglingu um ána La Seine sem að rennur í gegnum París, síðan vildi svo til að hún Melkorka var stödd í París að skoða háskóla með fjölskyldunni sinni og hún kom og hitti okkur og við fórum þrjár saman á dýrasafn, eða safn sem hafði að geyma fullt af uppstoppuðum dýrum.
Fimtudagurinn var síðan bara venjulegur skóladagur.
Föstudagurinn var mjög skemmtilegur og að loknum skóla blasti við þriggja daga löng páskahelgi. Plan helgarinnar var að gista í París með Unni í íbúð systur hennar og kærasta hennar, sem voru svo almennileg að láta okkur íbúðina eftir þessa helgi. Föstudagskvöldið ætluðum við Unnur að hittast fyrir framan metró stöðina sem að er rétt hjá systur hennar. Þegar að ég var búin að bíða í þó nokkrun tíma var mér nú ekki farið að standa á sama um Unni. Loksins birtist hún þó (rennblaut, nýbúin að detta ofaní skurð, handleggsbrotin, skólaus og rænd) en þá var hún búin að vera villt í tæpan klukkutíma. En samt með bros á vör héldum við heim í kvöldmat til systur Unnar, Sigrúnar, sem að var búin að baka mjög góða pizzu og bjóða til sín fjórum öðrum vinkonum sínum (íslenskum) í mat. Kvöldið leið og um miðnætti fórum við á skemmtistað sem að er staðsettur undir Alexander III brúnni - mjög flottur staður. Þar dönsuðum við og skemmtum okkur langt fram á rauða nótt.
Á laugardeginum fórum við að skoða eitt uppáhaldshverfið mitt í París sem að heitir Monmartre. Við skoðuðum dómkirkjuna Sacre coeur að utan, almenningsgarðinn þar fyrir neðan og allt lífið þar, túristabúðir, og listamannasvæðið. Eins og hinir mestu túristar heilluðumst við af öllum götulistamönnunum og eftir daginn fundum við okkur peningalausar með tvær illa teiknaðar myndir,vinabönd, lyklakippur og fleira álíka nytsamlegt í höndunum. Við því var ekkert hægt að gerast nema hlægja að fyndnum aðstæðum sem að við lentum í og brosa yfir góðum degi.
Sunnudeginum var eytt í Disney landi (í annað sinn). Það var ævintýralega gaman. við löbbuðum um allan garðinn, fórum í fjóra rússíbana (biðum í tveggja klukkutíma röð fyrir hvern og einn - við viljum samt meina að það hafi verið þess virði) og heilsuðum upp á uppáhalds disney persónurnar okkar.
Mánudagurinn var síðan helgidagur og þar af leiðandi allt lokað. Við Unnur tókum því bara rólega og kíktum aðeins inná musée de Picasso,fórum út að borða og nutum þess að vera saman seinasta daginn okkar.
Ég gæti skrifað þrisvar sinnum lengri frásögn um öll þau fyndnu og skemmtilegu atvik sem að við lentum í og sáum þessa viku en ég ætla nú að halda þessu innan skynsamlegra marka.Að lokum vil ég þakka Unni fyrir stórkostlega skemmtilega viku sem að setti punktinn yfir i-ið á drauma dvöldinni minni hérna.

Vikan eftir það var síðan bara venjuleg, ég og Melkorka héldum áfram að auka visku okkar og menningu, og enn og aftur var förinni heitið til Parísar og að þessu sinni var það viðskiptahverfið La Defance sem að var tekið fyrir.

Á sunnudeginum komu allir AFS krakkarnir til Fontainbleau því að það var búið að skipuleggja göngutúr í skóginum. Göngutúr sem að ég hélt að yrði klukkutími breyttist í fimm klukkutíma martröð í rigningu þar sem að ég rann tvisvar sinnum á rassinn.

ps.
Til fríðu
Ég á heima í litlum bæ 20 mín til hálftíma frá París. Bærinn heitir Bois le Roi. Síðan er annar stærri og þekktari bær við hliðina á mér þar sem að skólinn minn er og hann heitir Fontainbleau.
Þú ert heppin að vera að fara til Frakklands, þetta ár mitt hérna er búið að líða svo ótrúega hratt og skemmtilega að ég trúi því varla sjálf. Ein besta lífsreynsla og ævintýri sem að ég get ímyndað mér að fá að upplifa, svo margt sem að maður er að sjá og læra á hverjum einasta degi.
Takk fyrir að lesa bloggin mín og gangi þér vel

pps. ég setti inn nokkrar myndir frá tónleikunum og Unnarvikunni

http://picasaweb.google.com/ragnhv0

Kastalar

2008-03-04T15:44:00.003+01:00

Jæja við höldum áfram þar sem frá var horfið.
Önnur vika frísins var algerlega óplönuð vegna þess að ég hélt að henni yrði eytt í suðri. Við því var ekkert að gera nema að reyna að gera gott úr þessari viku sem að ég held að mér hafi tekist ágætlega.
Á mánudeginum gerði ég ekki neitt nema hanga í heima í loftleysi og leti, vikan byrjaði rólega.
Þriðjudagurinn var heldur ekki ýkja merkilegur nema það að um kvöldið fór ég með Emilie að hitta tvo stráka að nafi Tristan og Maxim. Þeir eru í skólanum mínum og góðir vinir Emilie. Þetta var fínt kvöld.
Miðvikudagurinn var síðan tekinn snemma og við Melkorka skelltum okkur til Parísar. Plan dagsins var að kíkja á hljóðfæra safn sem hafði að geyma allskonar hljóðfæri gamalla tíma. Eftir það héldum við í almenningsgarð að nafni Le parc de la Villette sem var fullur af lífi enda öll Parísarborg í fríi, þar gengum við stutta stund um og skoðuðum fólkið.
Við enduðum daginn á að skoða Notre dame kirkjuna að innan, hún var stórglæsileg að vanda.
Á fimmtudeginum ákváðum við síðan nokkur úr bekknum að hittast um kvöldið því að ein stelpan var ein heima. það var ótrúlega skemmtilegt kvöld, mikið borðað og hlegið og ég skemmti mér konunglega (líka glöð að geta skilið allt og tekir loksins þátt í samræðunum).

Þriðju vikuna var ég hjá Melkorku vinkonu minni sem að á heima í mjög sjarmerandi bæ sem að er þekktur fyrir fallega og stóra dómkirkju og ber nafnið Chartrés.
Skemmst er að segja frá því að þessa viku fór ég að skoða þrjá kastala - Chateau de chataudun, chateau de maintenon og chateau de rambouillet (hallargarðinn). Allir þessir kastalar voru mjög fallegir og höfðu að geyma mikla og flókna sögu.
Ég heilsaði upp á allar aðalsættirnar sem að bjuggu þarna og allar buðu þær mér síðan að koma aftur seinna og vera lengur, ein fjölskyldan gekk meira að segja svo langt að hún bauð mér hönd elsta sonarinns sem mun taka við af föður sínum sem að talið er að muni láta lífið á komandi mánuðum, en því miður varð ég að afþakka það ágæta boð vegna þess að ég nenni ekki að vera að standa í giftingu og einhverju veseni núna um þessar mundir.

Við Melkorka skelltum okkur líka til Parísar í þessari viku og að þessu sinni var það miðaldarsafn sem að við skoðuðum og ber nafnið musée de cluny. Síðan fengum við okkur sæti í Luxembourgar garðinum og spjölluðum saman, borðuðum mc flurry (eða ég fékk mér ís en Melkorka kaus frekar að fá sér rauðvínsglas og osta) og horfðum á fullt af krökkum sem að voru með bátana sína á tjörninni í miðjum garðinum. Við urðum samt því miður að yfirgefa staðinn fljótlega því að ég varð fyrir dúfuárás.

Á fimmtudeginum fórum við að skoða kirkjuna og vildi svo skemmtilega til að það var messa í gangi, við gerðum okkur lítið til og skelltum okkur í þessa kaþólsku messu.

Vikan leið frábærlega skemmtilega, enda alltaf gaman að vera í góðra vina hópi og við enduðum hana á því að fara í barrokk kennslu sem að er dansinn sem að var dansaður á konungs dansleikjum. Þetta er svona skiptidans þar sem að allir dansa í hring, mjög tignarlegur og flottur dans. Þarna vorum við mættar ásamt nokkrum velútvöldum bæjarbúum Chartrés og dönsuðum af okkur skóna við fiðlu og píanóleik glaðar í bragði.

Núna ætla ég að láta þetta gott heita en síðast en ekki síst að þá setti ég inn fullt (450) af myndum frá fríinum mínu.

Endilega skiljið eftir ykkur spor kæru vinir
Bestu kveðjur Ragnheiður

Menningarvikan

2008-02-24T18:02:00.002+01:00

Eftir langan og gráan skóladag 19. febrúar gat ég varla varist breiðu brosi vitandi af ljúfum þremur vikum framundan í vetrarfríi (fyrir utan einn stuttan skóladag á laugardeginum).

Fyrsta vika frísins var skipulögð menningarvika. Ég og Melkorka hittumst hressar og kátar á miðvikudeginum hún gisti hjá mér fram á sunnudag. Við héldum áfram að uppgötva Parísarborg sem að heldur sífellt áfram að heilla okkur upp úr skónum.
Við byrjuðum að fara á nýlistarsafnið Pompidou, sem að stendur alltaf fyrir sínu. Í Chatelet vorum við síðan næstum því teknar fasta vegna þess að við fórum tvær saman í gegnum metrovél vegna þess að melkorka var ekki með miða. Þegar að við vorum komnar í gegn löbbum við beint í fangið á lögreglunni. Ein lögreglan var létt í lund og sagði að við mættum ekki gera þetta aftur en hin var mun þyngri í brún og hélt föstum tökum í handjárnin. Eftir stutt spjall við lögregluna að þá ákváðu þeir að sleppa okkur. Við íslensku stelpurnar tvær héldum síðan áfram leiðar okkar algerlega ómeðvitaðar um alvarleika málsins sem að hefði kannski getað endað með handtöku. En þetta var nú samt sem áður bara smá miskilingur og spurning um að redda tvær fastar í metró með einn miða. Síðan ver hlegið hátt og dátt enda var þetta frekar fyndið. Einn alveg fjólublár í framan af reiði og hinum gat ekki staðið meira á sama, og við báðar alveg að pissa í okkur úr hlátri þarna fyrir framan þá. En jæja áfram með söguna.
Síðan fórum við á eitt frægasta safn í París musée d´Orsay en þar eru að finna verk eftir þekkta listamenn á borð við Edgar Degas, Monet, Pissarro, Van Gogh og fleiri sem að ég kann ekki skil á. Við tókum það á tveimur dögum til þess að geta skoðað allt safnið en það er á fjórum hæðum.
Á fimmtudeginum skein sólin hátt á lofti og við byrjuðum daginn á að fara í annað sinn á musée d´Orsay og eyddum síðan eftirmiðdeginum í háskólahverfi Sorbonne. Þarna gengum við um og létum okkur dreyma um að verða einhverntímann nemendur við skólann sem að hefur án efa eina mest sjarmerandi ásýnd og skólalóð sem að ég hef séð.
Á föstudeginum skelltum við okkur til Fontainbleau og skoðuðum kastalann að innan og hallargarðinn. Um kvöldið fórum við síðan út að borða og í bíó í Fontainbleau enda eru ekki margar aðrar afþreyingar í boði, en þetta var mjög góð mynd sem að hét París. Gaman líka að horfa á hana þegar að maður þekkir borgina og skilur tungumálið, enda vorum við mjög glaðar í bragði þegar að við komum út af myndinni og áttuðum okkur á því að við hefðum skilið alla myndina án tungumálaörðuleika.
Á laugardeginum kom Melkorka með mér í skólan og fékk að sjá allan bekkinn minn, sem að henni leist bara mjög vel á, á meðan að ég var í íþróttum að þá spjallaði hún heillengi við vin minn, Francois en síðan fékk ég að fara fyrr og við fórum 3 saman á kafistöfuna í skólanum og biðum þar eftir næsta tíma. Þegar að skólinn var búinn um hádegi fórum við til Parísar á safn sem að heitir Muséum National d´Histoire Naturelle. Við hældum að þetta væri safn með uppstoppuðum dýrum en svo kom í ljós að þetta voru bara beinagrindur (af dýrum). Það var fínt að skoða beinagrindurnar, þegar að við vorum komnar út í enda að þá voru beinagrindur af risaeðlum sem að okkur fannst mjög merkilegt. Eftir stutta skoðum á textunum við hliðina á að þá komumst við af því að þetta voru víst bein af hvölum.
Í dag enduðum við síðan þessa stórskemmtilegu viku á því að fara á musée d´art moderne og sóla okkur í garðinum fyrir utan og skemmta okkur við að horfa á hjólabretta fólkið sem að sýndi listi sínar fyrir framan safnið.
En já núna sit ég hérna heima hjá mér (nýbúin að brjóta annan stól) að blogga en ég hélt að við værum að fara suður í dag og myndum vera þar í eina viku, en þannig er mál með vexti að það var aldrei neinn á leiðinni suður heldur var ég bara eitthvað að miskilja, ég komst að því í fyrradag, þannig að núna bíður mín róleg vika í fríi sem að ég ætla að nýta vel.

ég fer líka að skella inn nokkrum góðum myndum bráðum
kær kveðja Ragnheiður

Best að blogga

2008-02-16T20:45:00.004+01:00

Áður en lestur ykkar á þessu bloggi byrjar þá vara ég ykkur, kæru lesendur, við miklu hoppi frá einu yfir í annað, lýsingu á merkilegum hlutum og lýsingum á hlutum sem að ykkur gæti ef til vill ekki staðið meira á sama um. En jæja, núna ætla ég að byrja að skrifa nokkra punkta um lífið og tilveruna og vonast til að einhverjir þarna í hinum stóra heimi þ.e. um það bil 300.000 manns sem kunna íslensku og gætu hugsanlega ratað inn á þessa síðu, muni hafa gaman af (eða bara mamma og pabbi sem að kíkja á hverjum degi og gá hvort að það sé komið nýtt blogg en oftar en ekki þá enda þau með að lesa síðustu færslu í 30. sinn)

Einn tveir og byrja, þessi byrjun gefur strax í skyn hversu mikið ég hef að segja.
Fyrstu helgina í febrúar skelltum við Melkorka okkur til Parísar og eyddum þar deginum í rólegheitunum, það var að vanda mjög skemmtilegt og við skemmtum okkur vel. Um kveldið gisti hún síðan heima hjá mér og hjálpaði mér að passa Louise litlu systurina. Þetta var mjög góð helgi.
Vikuna þar á eftir fór ég með art-bekknum mínum til Parísar á tvö listasöfn, Pompidou og Musée de modern art, Ekki er það nú ýkja merkilegt nema það að það var eitt listaverk sem að var til sýnis á Musée de modern art sem að mér fannst einkar áhugavert. Það var sett upp þannig að maður gekk inn í hvítmálað kassalaga,meðalstórt herbergi. Höfundur listaverksins var síðan búin að taka ljósmyndir af fólki frá 1 árs til 100 ára, sem sagt 100 myndir. Ljósmyndirnar voru síðan hengdar upp í röð þannig að maður labbaði hringinn í kringum herbergið, byrjaði á mynd af nýfæddu barni, eins árs, tveggja og svo framvegis og lokamyndin var síðan af hundrað ára konu. Þarna stóð maður og horfði á allt lífið í einu listaverki. Þetta var virkilega vel sett upp og maður sá líka bæði hversu hratt tímin líður og hversu mikill þroskamunur er á milli einstakra aldurs t.d. milli sextugt og sjötugt og svo framvegis.
Í hádeginu þann dag borðuðum við síðan hádegismat í almenningsgarðinum rétt hjá effel turninum. Það var mjög gaman þagað til að allar stórskemmtilegu dúfur Parísarborgar ákváðu að skella sér í hádegismat með okkur krökkunum, með tilheyrandi látum.

Vikuna þar á eftir fór ég á tvær leiksýningar í leikhúsi Fontainbleau sem að er svo gamalt að það hefði ekki komið mér á óvart ef að þakið hefði tekið sig til og ákveðið að hrynja yfir leikhúsgesti. Burt séð frá því að þá voru þetta stórgóðar sýningar báðar tvær. Önnur sýningin var one man show og hin sýningin var dans/leiksýning.
Á miðvikudeginum fór ég síðan með þrem stelpum úr bekknum í badminton í fontainbleau en við erum allar að fara að taka próf í íþróttum í badmintoni þannig að við ákváðum að fara og æfa okkur aðeins og við skemmtum okkur mjög vel, misgóðar að sjálfsögðu í þessari ágætu íþrótt, Þegar að við vorum búnar fórum við og fengum okkur kaffibolla á meðan að við biðum eftir lestinni,
Seinustu helgi var ég síðan bara heima, á laugardagskveldinu fór ég yfir til Adriönu og við leigðum DVD og borðuðum nutella. Á sunnudeginum kom vinur Emilie til hennar og við tókum smá æfingu í "rokk" dansi sem að er einhver franskur samkvæmisdans, og spiluðum póker.

Í dag fór ég síðan með nýja AFS stráknum Georg (sem er borið fram grohhgee) sem að kemur frá Argentínu til Parísar, Hann var að koma hingað til Frakklands og verður hér í 6 mánuði, Hann er í sama skóla og ég, sem er mjög fínt. Við fórum til að borða saman með hinum afs krökkunum í okkar héraði og síðan eftir hádegi var einhver fundur þar sem að við áttum að kynna löndin okkar í annað sinn. Hann Georg hafði aldrei á ævinni séð hraðlest fyrr en í dag og það fannst honum stór stórmekilegt hreint út sagt.

Í Argentínu að þá er það gæfutákn/happamerki að stíga óviljandi ofan í hundaskít.

Jæja núna er e.f.t. komin tími á að enda þetta blogg en margt er á döfinni hjá mér á næstu dögum, í næstu viku er ég komin í þriggja vikna vetrarfrí en fyrstu vikunni verður varið menningarlega í París með Melkorku, annarri vikunni verður síðan varið í hitanum í suður Frakklandi og að lokum þriðju vikunni í litlum fallegum bæ að nafni Chartres, en þar á hún melkorka heima.
Vikuna etir fríið er ég að fara á The Cure tónleika og síðan 17.mars kemur ein af bestu vinkonum mínum Unnur til Parísar og það verður ofur gaman!!

En þangað til næst sem að ég lofa að verður bráðum, vona ég að þið hafið það sem best
kær kveðja Ragnheiður

five months in france

2008-01-31T21:23:00.000+01:00

Núna er ef til vill komin ágætur tími fyrir eitt ópólítískt og óháð bloggstykki.
Dvölin mín hérna er hálfnuð og í tilefni af því fór ég út að skokka með Emilie á sunnudeginum.
Janúarmánuðurinn er búinn og hann var nú bara svei mér þá betri heldur en janúar oft áður.
Eftir að Melkorka kvaddi eftir fyrstu vikuna tók skólinn við. Helgina eftir það fór ég í brúðkaup. Ef að ég hefði ekki vitað betur hefði ég haldið að brúðhjónin væru komin af konungsættum.Veislan var haldin fyrir 300 manns í risastórum kastala. Fyrst var borðað í matsalnum fjögra rétta máltíð þar sem að þjónar í smóking þjónuðu til borðs. Eftir matinn var haldið niður í danssalinn sem var lýstur upp með 100 kristal ljósakrónum. Þar voru haldnar ræður og eftir það tók hljómsveitin við og spilaði fyrir dansi langt fram á nótt. Í bakgarðinum var líka lifandi strengjatónlist sem að spilaði við fullt af kyndlaljósum. Í kjallaranum (hvelfingunni) var síðan vínsmökkun. Þetta var ótrúlega fallegt og vel heppnað brúðkaup í alla staði. Verst að ég týndi öðrum glerskónum mínum á leiðinni heim.
Vikan eftir brúðkaupið leið síðan hratt í skólanum, ótrúlegt að finna sig talandi frönsku við fjölskylduna og skólafélagana á hverjum degi eins og ekkert sé manni eðlilegra. Samt er ástandið orðið frekar slæmt þegar að maður er farinn að kynna sig sem Ragga þegar að maður hringjir heim til Íslands.
Helgina eftir brúðkaupið kom Melkorka og gisti hjá mér. Plan helgarinnar var að kíkja á útsölurnar í París. Á laugardeginum fórum við bara í H&M og tókum því rólega því við ætluðum að klára allt á sunnudeginum. Á sunnudeginum var síðan okkur til mikillar furðu allt lokað. Til þess að gera okkur glaðan dag ætluðum við að leigja okkur hjól en hjólavélin virkaði ekki þannig að við skelltum okkur á Champs Elysée og skoðuðum allar dýru merkja búðirnar. Við vorum að hugsa um að kaupa okkur Louis vuitton ferðatösku fyrir 20000 evrur en við nentum ekki að bera hana þannig að við hættum við.
Á sunnudeginum var Frakkland síðan að keppa við Ísland í handbolta og okku langaði svo sannarlega ekki að missa af þessum leik, þar sem að allir sportbarir voru lokaðir reyndum við að finna Íslenska sendiráðið en við fundum það ekki.
Vikuna þar á eftir byrjaði ég í fjarnámi í frönsku 303 og 404 og félagsfræði 203, núna er fínt að hafa smá heimavinnu þar sem að ég þarf ekki að lyfta litla fingri í skólanum mínum.
Seinustu helgi fór ég með Stefáni íslenska stráknum sem býr hérna og vinum hans út að borða, í bíó og síðan á kaffihús/bar. Það var mjög fínt.
Núna er ég að undirbúa kynningu á art verkefninu mínu sem að ég þarf að kynna fyrir bekknum. Þetta er eitt það klaufalegasta verkefni sem að ég hef séð eða nokkurn tíman gert. Verkefnið var að nota náttúruna og hugmyndasnillingurinn ég (eða þannig) tók hveiti og bjó til mynd með því í grasið. Ég er núna að reyna að finna einhverja rökrétta listafræðilega skýringu á þessu verki mínu.
Jæja núna er janúarmánuður komin niður á blað (skjal) í stórum dráttum.
Hafið það ótrúlega gott og skemmtilegt á landinu ykkar - man ekki hvað það heitir :)

2008

2008-01-06T14:31:00.000+01:00

Gott fólk

31.janúar 2007
Við hittumst í París hressar og kátar , tilbúnar að fagna komu ársins 2008 á Champs-Elysé. Við byrjuðum kvöldið á því að fara með fjölskyldu Melkorku á stórglæsilegan Sirkus Parísarborgar með öllu tilheyrandi. Fjölmargt listafólk sýndi listir sínar með miklum glæsiburðum. Eftir sýninguna héldum við á Champs-Elysé og fögnuðum nýju ári ásamt 500.000 glöðum Frökkum. Eftir að árið 2008 var gengið í garð með kampavíni og kærleik héldum við yfir að Eiffel turninum. Þar byrjuðu svo sannarlega lætin. Þegar að við komum á staðinn fannst okkur nú almúginn vera frekar órólegur, við löbbuðum undir turninn og vorum búnar að vera þar í smá stund byrjuðu slagsmál þar sem að löggur hópuðu sig saman í árasarhug, með kylfur af vopni og hermenn með byssur. Menn byrjuðu að henda glerflöskum út um allt og þarna vorum við á brennipunkti árásasvæðisins undir turninum og rétt sluppum með því að hlaupa burtu með nokkrar skrámur og Melkorka með brotið hné. Ólætin héldu áfram þegar komið var að því að taka Metróinn til systur pabba Melkorku um 3 leytið. Við komumst þó að lokum heilar heim og sváfum værum svefni eftir viðburðarríkt kvöld.

Nýarsdagur
Þann 1.janúar 2008 ákváðum að gerast menningarlegar og fórum á einstaklega góða sýningu hjá ítalska listamanninum Giuseppe Arcimboldo sem er þekktur fyrir verk sín þar sem hann notast við ávexti og grænmeti og fleira til að mynda andlit. Merkilegt nokk. Á leiðinni heim til mín þar sem við gistum tókst að taka vitlausa lest og vorum við komnar hálfa leiðinna til Lyon. En það var saman bara allt stór misskilningur( kvót: Næturvaktin). Þegar heim var komið um kvöldið var matarboð með vinum foreldra minna sem voru heldur furðuleg og kenndu okkur ýmsar sjálfsvarnaræfingar sem fólust í því að póta í augu og rífa í eyru. Af því var mikið hlegið og gantast.

2.Janúar 2008
Ævintýrin héldu áfram og ferðinni var heitið til Parísar snemma í bítið. Áætlun dagsins var að skoða Moulin Rouge eða Rauðu mylluna, Sacre coer og listamannahverfið þar við hliðiná. þrátt fyrir kulda byrjuðum við að skoða þennan heimsfræga skemmtistað. þegar að því var lokið röltum við upp að kirkjunni og útsýnispallinum Sacre coer, þar voru fullt að fólki sem að sat í tröppunum og hlustaði á tónlistar atriði. nokkrir gerðu sér lítið fyrir og tóku sporið. síðan fórum við líka inní krikjuna sem er mjög falleg. að lokum löbbuðum við um listamannahverfið þar sem að menn og konur lofuðu fegurð okkar í bak og fyrir í von um að fá að teikna af okkur mynd. því miður varð þeim ekki að ósk sinna þann dag.
stoltar af afrekum dagsins og uppgefnar eftir fjölmörg hlátursköst héldum við aftur í metro með smá stoppi á mc donalds og tókum lestina heim.

3.janúar
að sökum leiðinlegs veðurs og morgunþreytu ákváðum við að gera okkur glaðan dag í Fontainbleau en ekki í parís. við ætluðum að skoða kastalan en eftir erfiða leit af innganginum komumst við af því að hann var lokaður. eftir það héldum við á kaffihús og síðan í stórverslunina til þess að kaupa inn fyrir matarboðið um köldið.
ég bauð til mín krökkum úr bekknum í pizzu sem að ég og melkorka bökuðum. þetta var mjög vel heppnað kvöld þar sem að við náðum að halda uppi samræðum á frönsku allan tíman, hlægja, drekka, borða og tala um bekkjarfélaga og framtíðarplön.

4.janúar
stóri dagurinn þar sem að tákn hinnar óumræðanlega fögru borgar var klifið eða hinn mikli effel turn. við biðum í tveggja klukkutíma röð ásamt hressum túristum eftir að komast alveg upp á topp. ef ekki hefði verið fyrir þær stöðugu árásir sem að blessuðu dúfurnar gerðu á okkur hefði tíminn örugglega liðið hraðar, en við skemmtum þó án efa nágrönnum okkar í röðinni með tilheyrandi sveiflum.
þegar að komið var upp á topp sáum við yfir alla borgina og önduðum að okkur frakkland loftinu með bros á vör.

5.janúar
um hádegi skelltum við okkur enn og aftur til Parísar ráfuðum um göturnar og rifjuðum upp skemmtilegar stundir og atvik í fríinu. eftir að hafa gengið um í nokkra stund fundum við bíó og ákváðum upp úr þurri að fara í bíó á einu ensku myndina sem að hét it´s a free world. eftir bíóið borðuðum við og héldum síðan í smá teiti hjá strák sem að ég þekki og er í AFS. hann var búin að bjóða okkur að gista nóttina.
því miður var þetta ekki eins og við vorum búnar að búast við, hálf vandræðalegt andrúmsloft og einn tveir að spila, aðrir að horfa á leikinn, í playstation og einn strákur vel í glasi að spila lög á gítar og syngja. sem betur fer höfðum við hvor aðra þannig að kvöldið var ekki alslæmt.

6.janúar
vöknuðum og tókum metro á lestarstöðina þar sem að við borðuðum morgunmat. síðan héldum við heim til mín þar sem að við borðuðum hádegismat, spjölluðum og slöppuðum af þangað til að melkorka hélt af stað og tók lestina heim til sín.

7.janúar
eftir eitt heljarinnar skemmtilegt jólafrí var komið af því að stilla lífsklukkana aftur á skólagöngu og venjulegt líf. eins erfitt og það var þá hófst það og núna er skólinn byrjaður aftur með sínum kostum og sínum göllum.

þangað til næst gleðilegt ár og takk fyrir það gamla góða.

gleðileg jol

2007-12-27T18:05:00.000+01:00

23.desember
ég vaknaði allt of seint og rétt náði skólabílnum klukkan 7:30. fyrsti tíma á laugardögum, íþróttir. þar fórum við í badminton ég algerlega er á versta hæfnisstigi í þeirri íþrótt. þessi leikfimistími var þó ágætur, jólatónlist og allir spenntir að komast í jólafrí. eftir íþróttatíma fór ég í frönskutíma þar sem að við horfðum á west side story á ensku. að loknum tíma kvöddu allir og óskuðu hvert öðru gleðilegra jóla, bekkjarsystir mín var búin að baka risa piparköku og skrifaði á hana gleðileg jól ragga, mjög sætt en ég þurfti því miður að borða hana að sökum bráða hungurs.
síðan þegar að ég kom heim fór ég í göngutúr í skóginum með fjölskydunni, í bílnum á leiðinni spurði ég hvort að það væri búið að veiða jagúarinn en þau voru ekki viss. ég hugsaði um að spurja hvort ég mætti bíða í bílnum en lét mig síðan á endanum hafa það að verða hugsanlega étin.

24.desember
allir vaktir á ókristinlegum tíma til þess að skipta á lökunum, þrífa og elda. allur morguninn fór í það að elda allskonar kökur og mat. ég var mjög dugleg að hjálpa til þangað til að mamman fór og náði í kalkúninn. ég var vinsamlega beðin um að hjálpa til við að reita fuglinn,skera af honum hausinn og útbúa hann til matar. því miður varð ég að útskýra það að það væri ekki í líkamlegu valdi mínu að ráða við þetta mikla verk og hraðaði mér upp í herbergi til þess að skipta á rúminu.
í hádeginu var síðan fuglinn borðaður ásamt ættingjum fjölskyldunnar.
síðan leið dagurinn þar sem að við héldum áfram í eldhúsinu.
um kvöldið var síðan borðuð gæsalifur (eða andalifur), braðgðlaukarnir mínir eru ekki orðnir nógu þroskaðir fyrir þann viðbjóð. en nóg um mat ( já ég borðaði líka lifandi sjávar skejlar, þær eru heldur ekki góðar) síðan um kvöldið var haldið í messu klukkan 11, mjög spes kaþólskar messur, fullt af einhverju svona táknrænu, reykelsum og einhverjum táknum sem að presturinn var alltaf að hnegja sig fyrir og sveifla.
eftir messunar var haldið heim og allir settu skóinn sinn undir jólatréð ( sem nóta bene var pakkalaust)

25.desember
þegar að allir komu niður lágu pakkarnir allir undir trénu, hver með alla sína pakka í sínum skó. síðan settust allir niður við sinn skó og hófu að opna gjafirnar.
ég fékk fullt af fallegum gjöfun- takk kærlega fyrir mig.
frá fjölskyldunni hérna fékk ég þrjá boli, peysu,bók, tösku, miða á listasýningu í París og miða á brodway sýninguna Cabaret í París. deginum var síðan bara eitt rólegum heima, fullt af nýjum jólabókum að lesa.

26.desember
málverkasýning í París á louvre safninu og brodway sýning um kvöldið. sjón er svo sannarlega sögu ríkari. við sátum við borð nánast alveg fremst og horfðum á þessa stórkostlegu sýningu þar sem að manni leið eins og maður sæti á fínum djass klúbb í einhverri bíómynd. mjög góður dagur.

27. desember
vakanði í parís og fór aðeins að kíkja í búðir með emilie, síðan þurfti hún að fara að borða með frænda sínum og ég ætlaði að taka lestina heim. mér tókst að villast og er núna á spáni.

á næstunni eru síðan áramótin sem verða örugglega mjög skemmtileg, ég verð með melkorku í parís :)

jólablogg

2007-12-21T16:26:00.000+01:00

endalaust langt síðan að ég bloggaði síðast, ég veit ekki alveg hvar ég á að byrja.
núna er bara einn dagur þangað til að ég kemst í jólafrí, eftir íþróttir á morgun 23. des
jæja, þar seinustu helgi eyddi ég í París með melkorku, á laugardeginum löbbuðum við um parís, fórum á listasafn, á útiskautasvell og borðuðum. Síðan um kvöldið gistum við í íbúð frænku hóst pabba hennar, það var mjög gaman- mikið talað og hlegið.
Á sunnudeginum fórum við síðan eldsnemma af stað í disney land, stórglæsilegur garður og við skemmtum okkur konunglega.
síðan tók við önnur skólavika allir á fullu í lærdómi og jólaamstri, gaman að taka þátt í frönskum jólum bæði með fjölskyldunni og krökkunum í skólanum.
seinustu helgi fór ég síðan í litla brúðkaupsveislu en það eru tvær veislur ein lítil og ein risastór í janúar, haldin í kastala. þetta var fínasta veisla með nánustu vinum og ættingjum brúðhjónanna.
daginn eftir fórum við fjölskyldan í túristarferð um svæðið, við skoðuðum fullt af litlum listamanna bæjum og löbbuðum meðfram sjónum.
seinustu dagar hafa síðan bara liðið venjulegir - samt svo óvenjulegir.
á döfinni eru síðan bara jólin, áramótin, matarboð hérna heima fyrir nokkra krakka úr bekknum og melkorka að koma í heimsókn hingað.
já síðast en ekki síst þá eru farnir að hrúgast inn jólapakkar, takk kærlega fyrir mig allir og ég sendi líka póst um jólin.
þangað til næst sem verður örugglega mjög bráðlega en samt eftir jól.
gleðileg jól allir saman og takk fyrir póstana og kommentin sem hafa svo sannarlega verið mér mikils virði.

bloggleysi en myndir

2007-12-13T18:29:00.000+01:00

hæ hó fyrirgefiði bloggleysi síðustu daga. ég er búin að setja inn fullt fullt af myndum slóðin er
http://picasaweb.google.com/ragnhv0 (þetta er núll í endan ekki o. )
hef ekki tíma til að blogga núna er að verða of sein í gym bois le roi :)

blogga brátt bless
ást

come to iceland

2007-11-25T14:06:00.000+01:00

Núna er íslands kynningunni minni lokið, hún var haldin í risastórum sal fyrir alla krakkana í ile-de-france sem að eru að fara út sem skiptinemar á næsta ári.
ég byrjaði á því að kynna mig og spjallaði um landslagið, veðrið, skólan og íslenska menningu. Síðan tók ég með mér björk diskinn og spilaði hann ásamt því að gefa öllum íslenskt nammi sem að mamma mín sendi mér, það vaxti mikla lukku en flestir kusu þó súkkulaðið fram yfir lakkrísinn.
Að lokum fékk ég fullt fullt af spurningum , allir mjög áhugasamir um Ísland, þótt að engin þarna inni hafi verið á leiðinni til Íslands nema ein stelpa sem var annað hvort að fara til Íslands eða Finnlands.
Eftir íslandskynninguna borðaði ég með Tönu, Evelinu, jakob og Thulio en þau eru afs krakkar. Það var mjög gaman. Síðan
tók ég lestina heim um kvöldið og fór í smá teiti hjá strák í skólanum mínum.

Annars er ekki mikið nýtt í fréttum síðan að ég skrifaði seinast, skóli alla daga nema á sunnudögum.Í seinustu viku dóu tveir strákar í skólanum mínum í bílslysi. Núna er mikil sörg og andrúmsloftið í skólanum er skrýtið. Mjög sorglegt að sjá alla vinina gráta.

Í gær kláraði ég skólan klukkan hálf ellefu og fór til Parísar að versla jólagjafir, ég náði að kaupa jólagjafir fyrir allar vinkonurnar en ég á ennþá nokkrar eftir. Ég náði líka að kaupa mér fínan kjól fyrir brúðkaupið í janúar. Sem betur fer þarf ég ekki að klæðast kjólnum sem að mamman lánaði mér og vildi að ég myndi klæðast, en hann var hælasíður með axlapúðum, allt of þröngur með hvítum tölum hnepptur alla leið niður að tám - kerlingarlegur á hæsta stigi.
Eftir að hafa verslað allan morguninn fór ég á kaffihús með Tönu og Söru en þær búa báðar í miðbæ Parísar..
Þegar að ég síðan kom heim klukkan fimm komst ég að því að ég var ekki með lykkla og var læst úti í ískulda og draugalegri þoku. Ég ákvað að bíða í smá stund, hringdi síðan í Kötlu og sjpallaði við hana þangað til að inneign okkar beggja kláraðist. þá mundi ég að þau koma ekki heim fyrr en klukkan 7 þannig að ég rölti yfir til Adriönnu og beið þar þangað til að þau komu. Það var mjög fínt við drukkum kakó og skipulögðum jólagjafa verslunnarleiðangur til Parísar í desember.

Það var í bæjarblaðinu um daginn að það væri jagúar í Fontainbleau skóginum og að hann væri búin að ráðast á tvær manneskjur og gestir og gangandi ætti að hafa varann á!

Helen trúnaðarmaðurinn minn sagði mömmunni að það væri að fara að koma afs strákur í skólann minn og væntanlega í bekkinn minn, hann verður víst í hálft ár.

Næstu helgi er síðan jólamarkaður Bois le roi, fjölskyldan ætlar að vera með risa trampólínið sitt og heitt kakó fyrir börnin til styrktar einhverjum samtökum.

jæja þangað til næst (ef ég verð ekki þriðja fórnarlamb jagúarsins) bless, hafið það gott og endilega skiljið eftir comment, það er svo gaman :)

Frakklandslifið

2007-11-20T20:03:00.000+01:00

Góðan daginn gott fólk. afsakið bloggleysið, ég ætla að fara hratt yfir sögu.
- vetrarfríinu eytt í suður Frakklandi, fjölskyldan að kaupa hús þar og við ásamt fullt af öðru skemmtilegu fólki á fullu í flutningum.
- skólin skemmtilegur, engin heimavinna fyrir mig nema í art tíma, mikið að sudoku, skriftum, teikningum og blaðri á bjagaðri frönsku.
- ég elska parís! uppáhalds borgin mín.
- búin að fara á fullt af söfnum.
- kaffihús oft í viku
- jólin að koma, búið að jólaskreyta Fontainbleau og jólastemmingin byrjuð að sígjast inn.
- hitti Melkorku í París við versluðum smá, sáum óperuna haha utan frá og notre dam kirkjuna utan frá en það voru einhverjir kínverskir menn að dansa einhvern andadans þar þannig að við hröðuðum okkur í burtu og röltum á pombido safnið en nentum ekki að bíða í röð þannig að við fórum á kaffihús og röltum um götur Parísarborgar, mjög skemmtilegur dagur.
- seinustu helgi fór ég í partý í París, það var mjög gaman lærði að dansa rokk dans og nokkur teknoniq spor langt fram á nótt, gisti síðan ásamt 9 öðrum. vaknaði síðan um morgunin og við gerðum crépes með nutella. hollt og gott.
- núna er ég á fullu að undurbúa íslandskynningu mína sem verður flutt á frönsku næsta laugardag fyrir afs il-de-france.
- alltaf verkfall, í dag var lestarverkfall, kennaraverkfall og mötuneytiskonuverkfall.
- á sunnudaginn fer ég vonandi í disney land

ást og friður

þetta blogg er tileinkað minni ástkæru frænku steinunni. næstu skrif verða betri og vandaðri

THE CURE

2007-10-30T19:26:00.000+01:00

TÓNLEIKAR MEÐ THE CURE Í PARÍS Í MARS
ég hoppa hæð mína á degi hverjum af tilhlökkun þangað til í mars

vetrarfri

2007-10-24T11:05:00.000+02:00

lett og laggott blogg.
sukkuladi hatidin var yndisleg, eg vildi oska thess ad eg hefdi tekid med mer tjald og tjaldad tharna i nokkra daga, fullt ad smakka og kaupa. eg smakkadi 100% hreint sukkuladi en thad er besti vidbjodur i heiminum, eg tok einn litinn bita og atti erfitt med ad kyngja. eg nadi ad versla heilmikid en ekki jafn mikid og eg hefdi viljad thvi ad kortid mitt varkadi ekki alltaf.
skolin alltaf samur vid sig, nog ad gera. venjulega er hapunktur dagsins matarhle, en tha forum vid i matsalinn og veljum okkur mat a bakka, setjumst sidan nidur og bordum og spjollum.
eg vard svo olansom ad i flyti minu til thess ad geta byrjad ad borda eftir langan morgun braut eg glas. gasid molbrotnadi og thar med tafdi eg umferdina i bakkarodinni verulega. i enn meiri flyti beygji eg mig nidur til thess ad taka upp storu glerbrotin rek eg bik i matarbakkann minn og hann hvolfist og supudiskurinn minn dettur a golfid og supa ut um allt og a mer allri og jogustid mitt sprakk. allt var tharna i sulli utum allt a golfinu supa,vatn,glerbrot og jogurt. Eg oskadi thess eins heitt og innilega ad eg gaeti borad mer gat i jordina og latid mig hverfa.
eftir a ad hyggja er thetta samt pinulitid fyndid.
i gaer for eg i hjolatur med adrionu og emili, vid hjoludum, tokum myndir, bordudum uti og skemtum okkur vel, nuna styttist odum i vetrarfri eg fer i shopping ferd til parisar, vonandi disney land einn daginn og sidan held eg sudur a leid.
a bientot

it's friday i'm in love

2007-10-19T09:55:00.000+02:00

lifid og tilveran i frakklandi. dagarnir fljuga.

seinustu helgi voru 15 manns naeturgestir i hja fjolskyldunni minni i frakklandi, mikid bordad, hlegid, dansad, drukkid og sungid. thetta voru allt fraenkur og fraendar host mommunnar. um kvoldid spiludum vid sidan eitthvad spil thar sem ad voru thrir ulfar, verkamenn og tveir spamenn og allir attu ad reyna ad drepa hvern annan eda fordast thad ad vera drepin sidan atti ad rokraeda hver vaeri ulfurinn og hver ekki, mjog skemmtilegur leikur tho ad eg hafi ekki skilid mikid og lek hann eftir minum eigin reglum.

a sunnudeginum taladi eg sidan islensku naer allan daginn, vegna thess ad eg hitti melkorku sem ad er i frakklandi sem skiptinemi eins og eg en thannig er mal med vexti ad fjolskyldan hennar a sumarhus nalaegt skolabaenum minum. vid roltum um baeinn og snaeddum pizzu, versta is i heimi sem kostadi mordfjar og settumst sidan nidur a einhvern bar tharna og drukkum kok.

sidan tok skolavikan vid, vedrid er ordin mjog kalt herna. skolinn gengur vel og lifid er komid i hversdagslega rutinu.

a midvikudeginum var verkfall kennara i skolanum minum thannig ad eg for til parisar um morguninn og skodadi notradame kirkjuna og gekk um gotur thessarar fallegu borgar, sidan hitti eg melkorku i paris thvi ad vid vorum bunar ad skipuleggja sma verslunarleidangur i paris, gladar a svip gengum vid inn i HM tilbunar ad missa okkur i verslunnargledinni. en onnur var sidan sagan thegar ad vid gengum ut ur matunarklefunum thar sem ad eg gerdi mer grein fyrir thvi ad ekki hef eg nu ekki grennst ykja mikid. mer tokst tho ad versla slatta en ekki jafn mikid og eg hafdi imyndad mer, sem er kannski gott, eda ekki.

nuna um helgina er eg sidan ad fara a einhverja risastora sukkuladi hatid i paris med AFS krokkunum thar sem ad madur ma smakka endalaust , kaldhaedid midad vid skrifin her ad ofan.

sidan er ad fara ad koma vetrarfri i skolanum minum og tha er eg ad fara i sumarhus fjolskyldunnar i sudur frakklandi.

spegùlant

2007-10-12T09:46:00.000+02:00

oo voila
heil heilmargt hefur a daga mina drifid sidan ad eg bloggadi sidast. Fullt ad gera i skolanum, reyndar er eg bara med heimavinnu i myndmennt og ensku en thad er heilmikil vinna, thad thydir nu samt sem adur litid ad kvarta vid bekkjarfelaga mina thar sem ad their eru med 10 sinnum meiri heimavinnu en eg.
heimspeki kennarinn minn (sem litur alveg eins ut og fred flinstone) kom til min um daginn og retti mer blad med longum texta a sem allir attu ad gera einnar bladsidu urdratt ur. hann sagdi mer ad thad vaeri nog fyrir mig ad thyda nokkur ord og skila honum ordalista, eg skildi nu ekki alveg af hverju hann vildi fa islenskar thydingar ur fronskum heimspekitexta a bord til sin en eg hofst handa og skiladi inn nokkrum ordum. fiflid eg fattadi ekki fyrr en eg var komin ut ur timanum og bekkjarsystir min spurdi hvernig mer hefdi gengid og eg utskyrdi hvad eg gerdi ad eg atti ad skila inn stuttun urdraetti ekki thydingum a fronsku yfir a islensku.
Ovenju mikil veikindi kennara voru i seinustu viku hja bekknum minum og eg held ad bakarinn a horninu hafi aldrei a aevinni sinni selt jafnmorg sukkuladi fyllt crossiant a einni viku, thetta var skemmtileg vika.
thar seinustu helgi var hatid i litla baenum minum thar sem ad heilli gotu var lokad fyrir allri umferd og fullt af folki var med basa fulla af allskonar gomlu bilskursdoti ad selja. Eg systir min og strakurinn sem byr i staersta husinu i gotunni sem ad er eins og holl og med turni og allt forum a hatidina og hittum baejarbua.
vid byrjudum a thvi ad kaupa einhvern afskaplega furdlegan heimatilbuin drykk til styrktar einhverjum samtokum. aldrei a aevinni hef eg smakkad jafn vondan drykk, eg er ekki viss hvort ad hann hafi verid afeingur eidur ei en vid neyddumst til thess ad skala i botn og klara vegna thess ad greyid konan sem ad seldi okkur hann var ad rifna ur stolti yfir drykknum sinum.
sidan heldum vid yfir a naesta bas thar sem gamall tattoveradur madur var ad selja dotid sitt. Vid skodudum gamla dotid hans og a bak vid rykfallinn ramma sa eg glitta i skitugan ljotan vasahnif, sem ad er nu ekki frasogu faerandi nema thad ad thad stod a honum; eg elska island !
eg sagdi honum einstaklega stolt a fronksu ad eg vaeri islensk og brosti breitt. tha sagdi hann mer ad hann hafdi farid til islands fyrir morgum morgum arum. Sidan hlo hann og sagdi ; hoho lot of sheeps. og hann vildi endilega gefa mer hnifinn sem ad eg thadi med thokkum :)
seinasta helgi var mjog skemmtileg a laugardeginum for eg i sma teiti hja nagranna minum thar sem mikid var dansad vid skrytna bongotrommu tonlist. reykmettud lyktin i loftinu var einkennileg og utskyrdi hugsanlega danstakta gestanna.
a sunnudeginum tok eg sidan lest til parisar og hitti Tonu og Evilinu og vid forum a risa utimarkad thar sem ad eg nadi ad gramsa heilmikid og vid endudum allar med fulla poka. sidan settumst vid nidur i gardinn tharna og bordudum besta mat i heimi, crépes med nutella sukkuladi mmmm.
eg gaeti skrifad og skrifad i allan dag !

ast fridur og soknudur
ragnheidur

Eplapae

2007-09-24T15:04:00.000+02:00

Nuna var eg ad koma ur fimmfoldum art tima thar sem verkefni manadarins er ad teikna likama okkar i liki minnisvarda eda einhverrar fraegrar styttu eda bygginga.

Margar hugmyndirnar eru einstaklega frumlegar s.s. effel turnin, frelsisstyttan, sigurboginn og fleira. ég er ad teikna likama minn i stad klukkuvisa i klukkunni Big Ben i London, fyrst aetladi eg ad gera mig sem skakka turninn i pisa en Big Ben vard fyrir valinu.

A fimmtudeginum for brunabjallan af stad i skolanum. Eg var i eydu og kippti mer ekkert serstaklega upp vid bjolluna fyrr en eg tok eftir thvi ad allir i kringum mig toku saman dotid sitt half ottaslegnir og gengu i att ad utidyrunum. Eg for ad theirra fordaemi og svei mer tha ef ad eg sa ekki tar i auganu a bokasafnskonunni sem ad stod i dyrunum, er samt ekki alveg viss. Allur skolinn var sidan samankomin fyrir utan skolan og bidu allir eftir frekari fyrirmaelum. Fimm minutum seinna hringdi skolabjallan og allir heldu til sins stadar.
Kannski ad thad hafi verid eldur eg sa hann nu ekki en midad vid hversu alvarlega allir brugdust vid kaemi thad mer ekki a ovart.

Seinasta vika var venjuleg skolavika og dagarnir lidu hratt og voru mjog godir.
Helginni var varid i Paris med afs krokkunum ur minu heradi (minu svaedi). Eg tok lestina eftir skola a laugardeginum klukkan 11:30 en eg er svo lansom ad thurfa ad fara i skolaithrottir og fronskutima a laugardogum.
Thetta var otrulega skemmtileg helgi og gaman ad hitta krakkana sem ad eru svona nalaegt manni og gaman er ad hitta.
Allan laugardaginn vorum vid uti i hinum ymsu leikjum m.a. fotbolta, frisbi, blaki og fullt af skemmtilegum leikjum. Eg hef aldrei adur spilad frisbi og eg komst ad thvi ad thetta er mjog skemmtilegur leikur og eg hef leynda haefileika a thessu svidi, eda svo vil eg halda fram. Eg tapadi mer adeins i gledinni eins og svo oft vill verda thegar ad kemur ad ithrottum sem slikum.
Um kvoldid forum vid ut i myrkrafeluleik en hann entist ekki ykja lengi thvi ad allir voru svo hraeddir thannig ad vid endudum i pictionary langt fram a nott.
Thetta var storskemmtilegur dagur og gledin var rikjandi allan timan og mikid var skiptst a fyndnum reynslusogum tengdar dvolinni, sem voru heilmargar.
Sunnudagurinn var sidan tekinn snemma og fjolskyldur allra skiptinemana komu og bordudu hadeigismat med okkur adur en haldid var heim a leid.
Thar sem ad nu er eplatidin i frakklandi komu naestum thvi allar fjolskyldurnar med eplapae i eftirrett.
Eg smakkadi atta mismunandi tegundir af eplapaejum og er nu ordin serfraedingur a thvi svidi.

Reidir franskir vinnumenn

2007-09-20T09:19:00.000+02:00

bonjour
bonjour
ca va?
oui ca va et toi ?
trés bien.

I morgun tok ég straeto i skolan vegna thess ad sogukennarinn minn er vist ad glima vid einhver personuleg vandamal, ef ad eg skil rétt og verdur ekki ad kenna ut thessa viku.
ég vaknadi pinu litid seint thannig ad eg thurfti ad hlaupa a stoppustodinna,thar sem ad eru einhverjar vegaframkvaemdir. ég hleyp tharna yfir med i-pod og halfsofandi enntha og yfir gotuna i straetoskylid. allt i einu heyri ég einhver oskur a bak vid mig og vinnumadurinn kom strunsandi yfir gotuna balreidur og talar svo hratt og mikid og er svo reidur. eg held ad eg hafi aldrei verid svona hraedd a aevinni eg bjost alveg vid thvi ad hann myndi stiga upp i grofunna og keyra yfir mig. eg reyndi ad segja honum ad eg taladi ekki fronsku en tha vard hann bara enntha reidari og benti a svaedid sem eg hljop yfir, sem betur fer kom straeto og eg hoppadi upp i hann kvaddi reida mannin kurteislega Au revoir en hann helt afram ad skammast eftir ad eg var sest, eg held ad eg hafi stigid i steypu eda storskemmt eitthvad. Kannski ad eg spurji hann einhvern daginn thegar ad franskan er ordin betri. verst ad eg tharf ad taka straeto heim i dag lika.
Annars er hefur margt a daga mina drifid sidan ad eg bloggadi sidast, eg veit ekki alveg hvar eg a ad byrja, seinustu helgi for eg a eitthvas svokallad Tekno parade i Paris, med krokkum ur bekknum. ég hef aldrei a aevinni sed svona mikid af folki saman komid dansandi svakalega tekno dansa uppi a ollum husum, ljosastaurum og sraetoskylum, vid skemmtum okkur konunglega hermandi eftir teknofolkinu sem dansadi af svo mikilli innlifum ad thad halfa hefdi verid nog, sidan um kvoldid for eg i matarbod med fjolskyldunni og thad var mjog fint.
Sunnudagurinn var sidan bara tekinn med rolegheitum og eg for med systur minni i piknik vid Seinu.
Vikan er sidan bara buin ad lida hratt og skolinn gengur vel, heimsspeki er adeins of flokin og eg skil ekki neitt um daginn aetladi eg ad vera rosalega dugleg og skila inn verkefni sem ad krakkarnir attu ad skila inn. verkefnid var ; qu'est-ce qu'un préjuge? eda hvad eru fordomar ?
eftir skola for eg a bokasafnid med ordabokina mina og kom nidur a blad svari vid thessari spurningu a ad eg helt a godri fronsku. i gaer fekk eg bladid mitt til baka og tha komst eg af thvi ad eg hafdi eitthvad miskilid og eg spurdi vin minn i skolanum og syndi honum bladid en hann for bara ad hlaegja, eg er ekki alveg viss hvad stendur enntha a blessada bladinu.

ostar vinber vin olivur

2007-09-13T09:13:00.000+02:00

i fyrsta sinn a aevinni vakadi eg i morgun, a undan klukkunni minni og leid otrulega vel med, solina i augunum og engisprettu a gluggasillunni minni. i stadinn fyrir ad snua mer a hina hlidina himinlifandi yfir thvi ad geta sofid lendur fann eg hja mer stekan vilja til thess ad stokkva a faetur og hoppa nidur stigan i morgunmat. eg elska morgunmatinn herna, heimabakad braud med hunangi og unadslega gott kaffi.

dagarnir lida hratt herna i frakklandi, fullt ad gera og sja alla daga. nuna er eg i eydu a bokasafninu i skolanum.

adal valfagid mitt i skolanum er myndlist, ja thid lasud rett myndlist 7 klst. a viku koma skapinu i lag ! fyrsti timinn var erfidur, eg sat a bordi med 6 odrum krokkum og eftir 20 minutna utskyringar fra kennaranum byrjudu krakkarnir ad skyssa upp einhverar rosa myndir af alsberum likomum thar sem ad hver og einn einasti vodvi var vandlega skyggdur. eg hef litla sem enga haefileika a thessu svidi thannig ad thad verdur frodlegt ad sja hvernig mer mun ganga i thessum timum med myndlistar monnum framtidinnar.

I gaer fell nidur tvofaldur timi i skolanum. Hann var svo sannarlega ekki nyttur illa, vid forum 7 saman ur bekknum i Fontainbleau sem er baerin thar sem skolin er i. Mer leid pinu litid eins og eg vaeri stodd i sogu, i fallega myndskreyttri bok. Hugsanlega vegna thess ad thetta er ekki thad fyrsta sem ad kemur upp i hugan thegar ad madur heyrir setninguna ; eyda i skolanum. Vid byrjudum a thvi ad fa okkur ferskjur a markadinum og roltum svo i blomstrandi hallargardinn og fengum okkur saeti vid vatnid. Einstaklega solrikur og fallegur dagur og til thess ad toppa imyndina af stadnum sem ad eg get ekki med nokkrum ordum lyst tha voru thrir skjannahvitir svanir, og einn grar, syndandi i ro sinni a lygnu vatninu, og their nutu gods af braudafgangum og kexi sem ad leyndist a botni einnar skolatoskunnar.

A eftir er eg ad fara med myndlistar bekknum minum a listasafn i Paris.

Um daginn song tolvan min sitt allra sidasta, en eg vona ad eg geti komid henni i vidgerd sem allra fyrst til thess ad geta sett inn myndir. En her eru tvaer myndir af fjolskyldunni minni og husinu undursamlega.

bonjour

2007-09-10T18:32:00.000+02:00

Nu er madur loksins farin ad stilla sig inn a franska menningu. Eg er haett ad vera jafn undrandi og i fyrstu thegar ad allir komu og kysstu mig a badar kinnar, meira ad segja folk sem ad eg hafdi bara hitt einu sinni, jafnvel krakkarnir i skolanum.
Og enn ad framforum minum vardandi venjurnar og sidina. Fyrstu dagana gleymdi eg vandraedalega oft ad thera en ad sokum biturrar reynslu fellur thad sjaldan i gleymsku lengur.
Skolinn er byrjadur og thad er ljog gaman thratt fyrir thad ad eg skilji ekki ykja margt sem fram fer i timum. Eg er einnig komin upp a lagid med thad ad segja oui se moi thegar ad kennarinn er ad lesa upp nofnin og sidan kemur sma thogn og sidan; ahh ohh oui Grrahhnnheissurs.
Annars verdur franskan betri med hverjum deginum.
Ad lokum tha bad fosturmamma min mig ad sja um thad ad gefa risa labrator vardhundinum matinn sinn a kvoldin, asamt litlu systur minni Louise. Eg mun thvi midur seint verda kollud mikil hundamanneskja og eg thori varla ad snerta thennan blessada hund thannig ad eg er hraedd um ad su litla thurfi ad sja um thetta ein fyrst um sinn, eg get verid verkstjori fyrsta manudinn og sidan vonandi sed um thetta.
Svo framarlega sem ad eg tharf ekki ad gefa dufunum theirra tha er eg satt. Til allrar hamingju eiga thau ekki dufur.

Hopp' í París

2007-09-03T14:20:00.000+02:00

mitt fyrsta blogg í frakklandi. ferðin út gekk ágætlega fyrir sig , við þurftum reyndar að bíða mjög lengi á flugvöllunum bæði í London og París en eftirvæntingin og spennan sem að var í loftinu hélt okkur gangandi. Þegar að við komum til Parísar á komunámskeiðið ásamt nokkrum Þjóðverjum og Chile búum var okkur úthlutað herbergi, ég lenti með Finnskri stelpu í herbergi sem að er einmitt á sama svæði og ég í Frakklandi. Á komunámskeiðinu var árið í frakklandi rætt og undirbúið og síðan var farið í skoðunarferð um París.
Síðan á sunnudeginum vöknuðu allir snemma í bítið og héldu hver í sína áttina nema þeir sem að eru á Parísarsvæðinu þeir biðu eftir fjölskyldunum sínum á staðnum. Ég tilheyrði þeim hópi og það var mjög skemmtilegt að sjá alla hitta fjölskyldurnar sínar í fyrsta sinn. Mín fjölskylda birtist seinust. Hún er mjög opin, skemmtileg og öll af vilja gerð til þess að hjálpa mér. Ferðin heim tók um klukkutíma í bíl og þar var heldur betur talað, bæði um komandi ár, Frakkland og Ísland. Ég hélt að þau ætluðu út úr bílnum þegar að ég sagði þeim hversu margir byggju á Íslandi.
Þegar að við komum heim beið maturinn tilbúinn, ekkert smá góður! Þegar að við vorum búin að borða ætlaði ég að fara að gera mig tilbúna fyrir háttin en þá komst ég af því að klukkan var bara 15:00 og heimargt prógram eftir.
Um kvöldið fór ég í matarboð til nágranna og þar var stelpa sem að er 17 ára og er að fara í sama skóla og ég en systir mín fer í annan skóla. Hún ætlar að fara með mér fyrsta daginn sem er á morgun en ég er víst í lokabekk eða terminal á bókmenntabraut, allt kennt á frönsku og engin náttúrufræði eða stærðfræði.
Í matarboðiðstóð í fimm klukkutíma og franska töluð nær allan tíman, enda ekki við öðru að búast. Síðan var farið í trivial persuit junior á ensku það var skrautlegt!
Á morgun fæ ég lestarpassann minn en ég get farið til Parísar þegar að ég vil án þess að þurfa ferðaleyfi frá AFS, jejj!
Ég hlakka til að eyða árinu hérna þótt að það verði mjög erfitt fyrst um sinn þar sem að ég skil ekki orð :)

Lífið í blóma

2007-08-14T00:15:00.000+02:00

Ég ákvað að svala tjáningarþörf minni hér með því að skella inn einni bloggfærslu, ef til vill verða þessi skrif mín hér þau seinustu sem að ég kem frá mér hér á klakanum áður en fer til Frakklands.
Nú eru aðeins 18 dagar þangað til að ég fer út og mér finnst tíminn líða á ljóshraða, ég er ekki ennþá búin að gera mér fyllilega grein fyrir því að ég sé að fara og að ég verði svona lengi í burtu.
Ég er búin að fá ferðaáætlun í hendurnar og einnig búin að vera í bréfasambandi við tilvonandi fósturfjölskylduna mína. Þetta er allt að smella saman.
Tilfinningin gagnhvart þessum mánuðum sem að eru í nánd er ólýsanleg, hún er einhver skrýtin blanda af spennu, forvitni, óvissu, kvíða og einhverju öðru sem að nær út fyrir orðaforða minn.

Bois le Roi,77590,France

2007-06-11T22:00:00.000+02:00

Bois le Roi,77590,France. Þangað mun ég flytja næstkomandi ágúst. Ég fékk upplýsingar um fósturfjölskylduna mína í dag, eftir langa bið.
Þetta er menningarríkt og sjarmerandi þorp nálægt Fontainebleau í 50 km. fjarlægð
frá hinni yndislegu höfuðborg Frakklands,París.

Á heimilinu eru hjón með tvær stelpur sem að eru 15 ára og 10 ára.

já tilhlökkunin er alveg í hámarki þessa dagana og nú tekur ekkert við nema vinna, endalaus gleði, góð tónlist, sumar og sól.

Gamlar bækur.saumavél.söngfuglar

2007-05-19T22:53:00.000+02:00

Labbaði í vinnuna í sólskins veðri hlustandi á ljúfa tóna Nouvelle Vague. Góð byrjun á deginum.

Ég fór í matarboð til ömmu gömlu í gærkveldi, í eftirmat fékk ég lítið páskaegg og skoðaði bók með langafa mínum, afar skemmtileg bók. Þetta var ljósmyndabók, með fyndnum samanburðarljósmyndum frá 1940, ég og afi skemmtum okkur konunglega yfir þessum myndum. Ég ætla að reyna að finna þessa bók einhversstaðar í vikunni á fornbókarsölu, þar sem að ég efast um að hún sé fáanleg í bókabúðum.

eftir vinnu fór ég niður í miðbæ og fékk mér kaffibolla og sat úti fyrir utan menntaskólann í góðum félagsskap og velti fyrir mér hversu gaman það væri ef að maður væri með litla manneskju undir hendinni (eða einhversstaðar annarsstaðar) sem að gæti sungið og alltaf þegar að maður væri glaður eða liði vel að þá myndi hún byrja að syngja.
Síðan rifjaði ég einnig upp vangaveltu mína frá því að í grunnskóla þegar að okkur dreymdi um að eignast lítinn dverg sem að labbaði á eftir okkur og skrifaði niður allt sem að við gerðum og sögðum.

Saumavélin fékk að líta dagsins ljós um daginn og fóru ég og saumakonan Katla á kostunum í fatasaumnum.

ég elska það þegar að maður er utan við sig og má vera það þ.e.a.s. ef að maður er bara einn og á ekki að vera að gera eitthvað annað, þegar maður sekkur bara í sínar eigin hugsanir, dettur inn í góða bók, lifir sig inn í góða tónlist eða byrjar að dreyma vakandi.
það getur reyndar verið slæmt þegar að maður gleymir að ýta á takkan í strætó eða ristabrauðið brennur eða eitthvað í þá áttina.

ég ætla að enda þetta blogg hér og nú og fara að gera eitthvað af viti.

friðarlilja og próflestur

2007-05-10T14:30:00.000+02:00

já þetta er mitt fyrsta blogg. ég var að hugsa áður en að ég byrjaði að skirfa hvernig þessari nýju bloggsíðu minni yrði háttað og ég komst að þeirri niðurstöðu að ég yrði eiginlega að finna einhverja myndlíkingu .

ég fann hana.

í fyrra þá fékk ég plöntu í afmælisgjöf sem að nefnist Friðarlilja. Þessi planta hefur þann eiginleika að geta dáið, lifnað aftur við og jafnvel blómstrað :)

blogginu mínu mætti ef til vill líkja við friðarliljuna mína nema það að það á örugglega sjaldan eftir að blómstra ef að ég þekki mig rétt.

heitur makkarónugrautur kallar, eldaður af sænsku vinkonu minni góðu.

próflestur tekur síðan við.